-I dag, 2. april, vart ein gledens dag for Balestrand og Kviknes hotel, seier hotellsjef Sigurd Kvikne.

I dag vart det nemleg kjent at regjeringa løyver 47 millionar kroner til reiselivsmuseet i Balestrand. Det var summen som mangla for at Statsbygg kan starta byggjinga.

Det nye reiselivsmuseet vil bli bygd inn mot Kviknes hotel og besøkande på hotellet kan gå tørrskodd inn i reiselivsmuseet og ned til Holmen. Museet skal stå klart til opning i 2011.

Bygget er teikna av arkitektkontoret Askim/Lantto, som også har teikna det nye besøkssenteret i Borgund. Sjå meir teikningar på Askim/Lantto sine eigne websider.

Illustrasjonsfoto: Askim/Lantto MNAL as